នឹកណាស់នួនល្អង

នឹកណាស់ នួនល្អងចិត្តប៉ងជួបអូន
គ្រាន់បានជាក្បូន សណ្ដោងសណ្ដូន
មាសស្ងួនវរលក្ខណ៍
នាងល្អលើសលប់ ល្អគ្រប់ឱ្យចាប់ចិត្តស្ម័គ្រ
បើសិនមិនបានរួមរ័ក្ស ជាកជាទ្រូងបងឥតល្ហែ

នឹកណាស់ស្រីល្អ ទោះក្រយ៉ាងណា
ក្ដីស្ម័គ្រក្ដីមេត្តា
ជឿចុះជីវ៉ាបងឥតកែប្រែ
ភត្រាស្រពោន ក៏អូននៅល្អលើសគេ
រាល់ពេលនឹកតែមាសមេ
ទ្រូងព្រួយគ្មានល្ហែ ព្រោះស្នេហ៍ញំញី

ឬ!មួយអូនព្រួយ ព្រួយព្រោះនឹកបង
វាចាប្រាប់ផង ឯចិត្តរៀមប៉ងជួយចម្លងស្នេហ៍
ជួយរំលែកទុក្ខ បានសុខទាំងទ្វេ
ណាស្នេហ៍បងអើយ

នឹកណាស់អូនអ្ណើយ នឹកហើយនឹកទៀត
រៀមមិនចង់ឃ្លាត ចង់តែនៅបៀត
នេបនិត្យកៀកកើយ បើនឹកបងដែរ
ឆើមស្នេហ៍កែវកុំព្រួយឡើយ
សូមព្រះជាម្ចាស់លោកជួយ
ឱ្យស្នេហ៍តែមួយបានដូច...បំណង....