Sunday, October 6, 2013

តូចតន់មាសបង

តូចតន់មាសបង
(ប) តូចតន់មាសបង ទងវងស្រស់ម៉្លេះ
ទ្រូងបងស្ទើប្រេះ ព្រោះសម្ផស្សស្រី
ស្រយុតស្រយង់ បាត់បង់ស្មារតី
ដូចកូនបក្សី ត្រូវសរព្រានប្រហារ
ល្អទាំងឫកពា មាយាទឥតល្អៀង
ពិរោះសំនៀង ដូចសារិកា
បែរភក្រ្តមកអូន បងសូមស្នេហា
តើកែវកន្និដ្ឋា ព្រមស្នេហ៍ប្រុសបងទេ
(ស) ថយចេញឱ្យឆាប់ កុំមកផ្លែផ្កា
ប្រយ័ត្នខ្ញុំថា ឱ្យបងខ្មាស់គេ
ចែចង់តាមផ្លូវ ខ្ញុំមិនព្រមស្នេហ៍
ខ្ញុំមានឪម៉ែ គ្រប់គ្រងរក្សា
បើចង់ស្នេហា ដណ្តឹងការតាមផ្លូវច្បាប់
ស្តាប់បានឬនៅ សូមពៅកុំខឹង
(ប) គ្រាន់តែប៉ុណ្ណឹង បងសូមត្រងត្រាប់
(រួម) យើងស្មោះនឹងគ្នាលុះជីវិតស្លាប់
រស់ជាគូគាប់ គ្រប់ៗជាតិទៅអើយ
ភ្លេង
(ស) ថយចេញឱ្យឆាប់ កុំមកផ្លែផ្កា
ប្រយ័ត្នខ្ញុំថា ឱ្យបងខ្មាស់គេ
ចែចង់តាមផ្លូវ ខ្ញុំមិនព្រមស្នេហ៍
ខ្ញុំមានឪម៉ែ គ្រប់គ្រងរក្សា
បើចង់ស្នេហា ដណ្តឹងការតាមផ្លូវច្បាប់
ស្តាប់បានឬនៅ សូមពៅកុំខឹង
(ប) គ្រាន់តែប៉ុណ្ណឹង បងសូមត្រងត្រាប់
(រួម) យើងស្មោះនឹងគ្នាលុះជីវិតស្លាប់
រស់ជាគូគាប់ គ្រប់ៗជាតិទៅអើយ