កុងសែប្រមឹក

(ស) ; ផឹកទៀតហើយបង
ម្តេចមិនខ្លាច ឈឺក្រពះ
ខ្លួនកាន់តែចាស់
អាងតែមានលុយ ស្រវឹងឥតឈប់
ថាទៅហ៊ុនត្បូង
ឃើញនៅតាមបា ពីព្រឹកទល់យប់
បងស្បថថាឈប់ មានឈប់អី
មានទាំងស្រីទៀតផង
(ប) ; បងដើរទិញត្បូង
រួចឈាងចូល ទៅកោសខ្យល់
អូនអើ្ហយកុំឆ្ងល់
តែកើតរោគខ្យល់ គ្រុន់ចាញ់វាឆ្លង
ព្រោះតែមិនផឹក
ទៅជាស្រៀវស្រាញ ព្រឺក្បាលដល់ខ្នង
សុំទោសអូនម្តង
ផឹកទៀតហើយ ក្រែងជំងឺបៀតបៀន
(ស) ; កុងសែប្រមឹក មកដល់ផ្ទះទារតែប្រាក់
(ប) ; លុយគេជំពាក់
បងមិនហ៊ានទារ ព្រោះខ្លាចគេអៀន
(ស) ; ដើរលេងឥតខ្មាស់
អស់លុយពីផ្ទះ ប្រហែលមួយលាន
(ប) ; បើអូនទិតៀន បងលាហើយ
យកត្បូងទៅឡាំបៀ
(ស្រីពោល) ; នែ!បង
យកត្បូង ទៅឡាំបៀនៅឯបា ឬបង
(ប្រុសពោល) ; ទេ… បើមិនអូរតាពុក
ក៏អូរតាប្រាំងដែរ
ព្រោះឡាំបៀរួចហើយ ត្រូវយករ៉ែផងណា
(ស្រីពោល) ; ហ៊ឺះស! ចេញទៅ